ЦХИНВАЛ, 27 мар – Sputnik. Цæгат Ирыстоны систой ног документалон киноныв "Позывной" ирон хæстонты тыххæй, кæцытæ хайад исынц сæрмагонд æфсæддон операцийы, хъусын кæны 15-æм Регион.
Нысангонд æрцыд, кинонывы кæй равдыстой хроникон цаутæ æмæ ирыстойнаг хæстонты æцæг хъысмæт, фильм систой бынæттон кинематографисттæ.
"Кинонывыл куыста нæ кинематографы академийы командæ. Фильм у цалдæр ирон хæстоны хъысмæтыл, кæцытæ хайад исынц сæрмагонд æфсæддон операцийы, афтæ ма хæстон цауты тыххæй æмæ æфсæддонты цардуагон уавæртыл. Кинонывы ис бирæ хроникæ æмæ сæрмагонд историтæ", - хъусын кæны портал фильмы продюсер Джиоты Людвигы ныхæстæ.
Кинонывы аразджытæ бафтыдтой, зæгъгæ, ирон кино размæ цæуы æмæ здæхт у традицион монон-фæткæвæрдон хæзнатæ бавæрынмæ.