ЦХИНВАЛ, 1 апр — Sputnik, Плиты Фатимӕ. Хуссар Ирыстоны Алайнаг епархи байуӕрста гуманитарон ӕххуыс республикӕйы ӕппӕт районты иунӕг ӕмӕ ӕххуысхъуаг адӕмӕн, фехъусын кодта Sputnik-ӕн фыд Симон. Ацы аз ӕххуысхъуаг адӕмы нымӕц фӕфылдӕр ис - ныр сты 500-йӕ фылдӕр.
"Хӕлцадон продуктты тыхтонтӕ сӕмбырд кодтой 500 бинонтӕй фылдӕрӕн. Уыдон уӕрст цӕуынц республикӕйы администрациты ууылты. Ахӕм ӕххуыс уӕрсты цӕуы дӕс азӕй фылдӕр", - загъта динамонӕг.
Уый ма бафиппайдта, Хуссар Ирыстоны столицӕйы куыст цӕуы ӕдзух - Алайнаг епархийы дӕлбар цы тыхст бинонтӕ ис, уыдон ӕххуыс исынц регулярон ӕгъдауӕй.