ЦХИНВАЛ, 1 апр – Sputnik. Цæгатирыстойнаг спортсмен Гусаты Тимур рамбылдта бронзæйон майдан Уæрæсейы фыццагады тхэквондойæ 12-14 азы æрыгæтты æхсæн, хъусын кæны РЦИ-Аланийы культурæ æмæ спорты министрады пресс-службæ.
Уагдоны банысан кодтой, ерыстæ кæй цыдысты Рязаны. Цæгатирыстойнаг спортсмен архайдта 37 килограммы уæзы категорийы.
Гусаты Тимур у Цæгат Ирыстоны спорты министрады дæлбар тхэквондойы скъолайы хъомылгæнинаг æмæ тренировкæ кæны Астан Николов æмæ Артем Богословскийы къухдариуæгады бын.
Цæгатирыстойнаг спортсмен ссис бронзæйон призер Уæрæсейы фыццагады тхэквондойæ
© Photo : Пресс-служба Минспорта Северной Осетии