ЦХИНВАЛ, 4 апр - Sputnik. Ногиры хъæуы райдыдтой куыстытæ сывæллæтты музыкалон скъолайы реконструкцийы фæдыл, зæронд бæстыхай ныппырх кæндзысты, йæ бынаты та фæзындзæн нырыккон дыууæуæладзыгон скъола актон залимæ, фехъусын кодта йæ telegram-каналы Цæгат Ирыстоны сæргълæууæг Сергей Меняйло.
"Аразджытæ ныридæгæн бавнæлдтой демонтажон куыстытæм", - банысан кодта республикæйы сæргълæууæг.
Меняйло радзырдта, музыкалон скъоламæ кæй цæуынц 240 сывæллоны.
"Реконструкцийы фæстæ ам нывæндынц бакæнын ног здæхтытæ. Цалынмæ арæзтадон куыстытæ цæуынц, уæдмæ сывæллæттæ ахуыр кæнынц Ногиры дыккæгæм скъолайы æмæ зæрдиагæй æнхъæлмæ кæсынц куыстыты фæудмæ", - загъта регионы разамонæг.
Меняйло бафтыдта, зæгъгæ, объектыл куыстытæ æххæст цæуынц националон проект "Культурæ" æмæ республикон программæ "Культурон къабаз"-ы руаджы.