ЦХИНВАЛ, 29 апр - Sputnik. Фæндагон-транспортон цау (ФТЦ) æрцыд Хуссар Ирыстоны столицæйы Хъайтарты æмæ Тæболты Сергейы уынджы алвæндагыл, аварийы фæстиуæгæн бахъыгдард сты дыууæ адæймаджы, фехъусын кодта къуырисæры Мидхъуыддæгты министрады (МХМ) пресс-службæ.
ФТЦ фæстиуæгæн цæфтæ райста "ВАЗ-2115" 33-аздзыд шофыр æмæ "ВАЗ-21099" хæдтулгæйы 70-аздзыд пассажир. Уыдоны буары цæфтимæ бакодтой Республикон бирæпрофилон медицинон центрмæ, банысан кодтой уагдоны.
Паддзахадон автоинспекци бæрæг кæны цауы æууæлтæ, бафтыдтой министрады.