ЦХИНВАЛ, 29 апр – Sputnik, Дзӕгъиаты Олег. Ирыстойнаг спортсменкӕ Къуылыхты Кристина рамбылдта сыгъзӕрин майдан Европӕйы чемпионаты боксӕй Белграды (Серби).
Къуылыхты Кристина тох кодта 63 кг уӕзы категорийы. Ирон спортсменкӕ, кӕцы хъахъхъӕдта Сербийы кад, турниры финалы уӕззау тохы рамбылдта уӕрӕсейаг Елена Бабичевайы.
Европӕйы чемпионат боксӕй уагъд цыд Белграды 28 апрелы онг. Ерысты хайад райстой 400-йӕ фылдӕр спортсмены 33 бӕстӕйӕ.