ЦХИНВАЛ, 30 апр - Sputnik. Хуссар Ирыстоны наркотиктæм хъусдарды фæткдаруаты кусджытæ æрцахстой республикæйы цæрæджы, кæцыйы хæдтулгæйы ссардтой тобæгонд буарадтæ. Уый тыххæй хъусын кæны Хуссар Ирыстоны Мидхъуыддæгты министрады (МХМ) пресс-службæ.
Милицийы кусджытæ æрурæдтой хæдтулгæ "Toyota Avensis Verso", кæцыйыл скъæрдта 61-аздзыд бынæттон цæрæг Дзау-Цхинвалы фæндагыл.
"Автотранспорты басгæрсты рæстæджы ссардæуыд лампæ, кæцыйы мидæгæ уыд æвзистгъуыз пакет. Лампæйы мидæг ссардтой цъæх хуызы капсулæтæ (196 иуæджы), кæцыты уыд буарад "Габапентин", афтæ ма урс тамблеткæтæ (303 иуæджы), кæцыты уыд буарад "Baclofen", - банысан кодтой пресс-службæйы.
МХМ криминалистикæйы центры экспертизæ сбæлвырд кодта, капсулæтæ кæй сты тобæгонд буарадтæ.