ЦХИНВАЛ, 7 май – Sputnik. Хуссар Ирыстоны президент Гаглойты Алан раарфæ кодта Владимир Путинæн Уæрæсейы Федерацийы президенты бынатмæ официалон æгъдауæй бахизыны цытæн.
"Хуссар Ирыстоны, цы ран Дæ кандидатурæйæн схъæлæс кодтой æвзарджыты 97%, стыр ныфс æвæрынц Дæ архайдыл нæ дыууæ бæстæйы ирд фидæнæн. Нывæндæм, Дæ хайадистæй нæ паддзахадты æмархайд æмæ æмгуыстад дарддæр кæй уæрæх кæндзæн", - хъусын кæны Гаглойты Аланы ныхæстæ йæ пресс-службæ.
Хуссар Ирыстоны разамонæджы зæрдæ загъта Путинæн фидар æнæниздзинад, бирæ энерги æмæ ног æнтыстытæ паддзахады сæргълæууæджы бынаты Уæрæсейы адæмы хæрзæбонæн.