ЦХИНВАЛ, 7 май - Sputnik. Владимир Путин дыццæджы официалон æгъдауæй бахызт Уæрæсейы президенты бынатмæ, хъусын кæны РИА Новости.
Кремлы ацыд Уæрæсейы президенты инаугурацийы бæрæгбонон церемони. Уый у Путины фæндзæм инаугурацийы церемони, паддзахады сæргълæууæджы бынаты уый уыдзæн æхсæз азы дæргъы – 2030 азы онг.
Уæрæсейы президенты æвзæрстытæ цыдысты 15-æй 17-æм мартмæ. Владимир Путин райста æвзарджыты хъæлæсты 87,28 проценты.