ЦХИНВАЛ, 13 май – Sputnik. Хуссар Ирыстоны территорийыл ивгъуыд къуыри регистраци æрцыд иу фыдракæнд – уый раргом кодтой мидхъуыддæгты органтæ. Уый тыххæй хъусын кæны Хуссар Ирыстоны Мидхъуыддæгты министрады (МХМ) пресс-службæ.
Алыгъуызон æхсæнадон фæткхæлдты тыххæй милицийы кусджытæ бæрнмæ æрбаздахтой аст адæймаджы.
"Афтæ ма иу къуыримæ республикæйы фæндæгтыл æрцыд иу фæндагон-транспортон цау. Аварийы фæстиуæгæн зианбаййафджытæ нæй", - дзырдæуы хъусинаджы.
Паддзахадон автоинспекцийы кусджытæ ивгъуыд къуыри сбæрæг кодтой фæндагон змæлды 246 фæткхалды. Автотранспорт нозтджынæй скъæрыны тыххæй 13 шофыры фæдыл сарæзтой административон протоколтæ.