ЦХИНВАЛ, 16 май - Sputnik. Наркотиктæм хъусдарды фæткдаруаты кусджытæ ссардтой Цхинвалы 43-аздзыд цæрæджы хисæрмагонд хæдзары кæрты гæны къутæртæ, афтæ ма басгæрст равдыста, нæлгоймаг йæхæдæг дæр кæй пайда кæны наркотиктæй, хъусын кæны Хуссар Ирыстоны Мидхъуыддæгты министрады (МХМ) пресс-службæ.
"Нæлгоймаг рацыд медицинон басгæрст, кæцы равдыста, нæлгоймаг кæй пайда кодта наркотикон буарадтæ "гæн" æмæ "морфин"-æй", - банысан кодтой уагдоны.
Тæрхондон рахаста Цхинвалы цæрæгæн административон ивар наркотикты æнæзаконон культиваци æмæ пайда кæныны тыххæй, бафтыдтой министрады.