ЦХИНВАЛ, 27 май - Sputnik. Хуссар Ирыстоны хицауады сӕрдар Джуссойты Константин микрорайон "Хурзӕрин"-ы цӕрджытимӕ фембӕлды рӕстӕджы ӕрдзырдта Леуахийы сӕрты аварион хиды уавӕрыл, хъусын кӕны хицауады пресс-службӕ.
Премьер радзырдта, цы фадӕттӕ сын ис рӕстӕгмӕ ахизӕн саразынӕн, уыдӕттыл.
"Мах лӕмбынӕг кусӕм хиды капиталон цалцӕджы фарстыл ӕмӕ уыимӕ иумӕ агурӕм варианттӕ рӕстӕгмӕ ахизӕн саразынӕн. Уый уыдзӕн кӕнӕ понтонон хид ацы ран кӕнӕ та асфальт сӕвӕрдзыстӕм Присы хъӕуы уылты фӕндагыл, цӕмӕй рыджы цӕуын ма хъӕуа. Скъуыддзаг ссардзыстӕм, фӕлӕ йӕ реализацийӕн бахъӕудзӕн рӕстӕг", - банысан кодта Джуссойты Константин.
Хицауады разамонӕг ма ӕрдзырдта микрорайоны цӕрджытимӕ ӕндӕр актуалон фарстытыл дӕр.
Хуссар Ирыстоны хицауады сӕрдар Джуссойты Константин микрорайон "Хурзӕрин"-ы цӕрджытимӕ фембӕлды рӕстӕджы ӕрдзырдта Леуахийы сӕрты аварион хиды уавӕрыл
© Photo : Пресс-служба Правительства РЮО