ЦХИНВАЛ, 28 май - Sputnik. Цхинвалы мидхъуыддæгты хайады оперативон кусджытæ раргом кодтой ифтонггарзы адавд фыдызгъæлы комбинаты бæстыхайæ, зæрдæхсайгæты æрцахстой. Уый тыххæй хъусын кæны Хуссар Ирыстоны Мидхъуыддæгты министрады (МХМ) пресс-службæ.
Уагдоны радзырдтой, зæгъгæ, къуырисæры барадхъахъхъæнджытæм æрбадзырдта горæты 68-аздзыд цæрæг, кæцы фехъусын кодта, раздæры фыдызгъæлы комбинатæй кæй адавтой алыгъуызон ифтонггарз.
"Оперативон-сгарæн мадзæлтты рæстæджы милицийы кусджытæ æрцахстой ацы адавды зæрдæхсайгæты. Уыдон разындысты республикæйы æртæ цæрæджы – 33, 35 æмæ 41 азы кары", - банысан кодтой министрады.
Зæрдæхсайгæтæ басастысты сæ фыдракæндыл, горæты мидхъуыддæгты хайад дарддæр уадзы басгæрст ацы цауы фæдыл, бафтыдтой министрады.