ЦХИНВАЛ, 3 июн - Sputnik. Черчесты Станислав ссис Казахстаны футболон командӕйы сӕйраг тренер, хъусын кӕны Sputnik Казахстан.
Черчесты Станислав сӕйраг тренеры бынаты раивта ӕндӕр уӕрӕсейаг специалист Магомед Адиевы.
Июны Казахстаны командӕ Черчесты Станиславы къухдариуӕгады бын ауадздзӕн дыууӕ хӕларадон хъазты: Сомихимӕ – 7 июны, ӕмӕ Азербайджанимӕ – 11 июны. Фӕззӕджы та Казахстаны командӕ хъаздзӕн Нациты лигӕйы Словени, Норвеги ӕмӕ Австриимӕ, бафтыдтой уагдоны.