ЦХИНВАЛ, 4 июн - Sputnik, Томайты Аманда. Хуссар Ирыстоны ацӕудзӕн къорд мадзалы Уӕрӕсейы Боны цытӕн: конкурс "Мӕ уарзон Уӕрӕсе" ӕмӕ ӕвзонг нывгӕнджыты равдыст ХИПУ-йы. Уый тыххӕй Sputnik-ӕн фехъусын кодта "Уырыссаг хӕдзары" сӕргълӕууӕг Цхинвалы Сергей Комиссаров.
"Хуссар Ирыстоны уӕрӕсейаг ӕмбӕстӕгты Цӕдис Россотрудничествойы ӕххуысӕй организаци кӕны 11 июны конкурс "Мӕ уарзон Уӕрӕсе". Афтӕ ма мах нывӕндӕм РХИ нывгӕнджыты Цӕдисимӕ бакӕнын ӕвзонг нывгӕнджыты равдыст ХИПУ-йы фӕзуатыл", - загъта Комиссаров.
Йӕ ныхӕстӕм гӕсгӕ, ацы аз равдысты фыццаг хатт хайад райсдзысты Цӕгат Ирыстоны нывгӕнджытӕ.