ЦХИНВАЛ, 13 июн – Sputnik. Хуссар Ирыстоны æвзонг футболисттæ бацахстой фыццаг бынат "Спартакы сæрдыгон кубокы" Анапайы. Уый тыххæй хъусын кæны фæсивæдон политикæ æмæ спорты фæдыл комитеты пресс-службæ.
"Хуссар Ирыстоны командæтæн уыд æнтыстджын ралæуд. Турниры фæстиуджытæм гæсгæ футболон командæ "Барсалан" 2012 азы гуырд кары категорийы бацахста фыццаг бынат", - дзырдæуы хъусинаджы.
Афтæ ма турниры бронзæйон призертæ ссисты футболон командæтæ 2013-2014 æмæ 2010 азы гуырд спортсменты æхсæн.
Хуссар Иры æвзонг футболисттæ ссисты "Спартакы сæрдыгон кубокы" уæлахиздзаутæ Анапайы
© Photo : Пресс-служба комитета по молодежной политике и спорту РЮО