Цхинвалы цӕрӕг сылгоймаг фӕдӕлдон горӕты цады

Sputnik
ЦХИНВАЛ, 17 июн – Sputnik. Цхинвалы цады къуырисӕры бонӕй ӕрцыд трагеди: ӕвзонг сылгоймаг фӕдӕлдон йӕ сабийы ирвӕзынгӕнгӕйӕ.
Цӕстӕйфенӕг Тедеты Гивийы ныхӕстӕм гӕсгӕ, сывӕллон йӕхи надта цады ӕмӕ райдыдта дӕлдон кӕнын. Мад ӕвӕстиатӕй бахызт донмӕ йӕ сабийы фервӕзын кӕныны тыххӕй.
Тедеты Гивийы ныхӕстӕм гӕсгӕ, цады цур цы нӕлгоймӕгтӕ уыд, уыдон уайтагъд багӕпп кодтой саби ӕмӕ сылгоймаджы фервӕзын кӕнынмӕ. Фыццаг уыдон систой сывӕллоны, фӕлӕ сылгоймаджы удӕгасӕй райсын донӕй сын нал бантыст.

"Ӕз ӕвӕстиатӕй бадзырдтон тагъд ӕххуысмӕ. Медикты бригадӕ ӕрбацыд 5 минутмӕ, фӕлӕ сылгоймаджы нал бантыст фӕрвӕзын кӕнын", - радзырдта уый.

Горӕты цад райдыдтой йедзаг кӕнын донӕй ӕртӕ боны размӕ.