ЦХИНВАЛ, 20 июн - Sputnik. Хуссар Ирыстоны мидхъуыддӕгты министр Гуыцмӕзты Алан снысан кодта Паддзахадон автоинспекцийы фӕткдаруаты разамонӕджы хӕстӕ ӕххӕстгӕнӕгӕй милицийы дӕлбулкъон Гасситы Сосланы. Раздӕры сӕргълӕууӕг Джеранты Хох ацыд пенсийы, хъусын кӕны уагдоны пресс-службӕ.
Ног сӕргълӕууӕджы цыппӕрӕмы бавдыстой фӕткдаруаты кусджытӕн. Ӕхсӕнадон ӕдасдзинады милицийы хистӕр Лалыты Геннадий бузныг загъта фӕткдаруаты раздӕры сӕргълӕууӕгӕн йӕ бирӕазон пайдаджын куысты тыххӕй. Джеранты Хох йӕхирдыгӕй бузныг загъта уагдоны къухдариуӕгад ӕмӕ кусджытӕн иумӕйаг служьӕйы тыххӕй.
"Коллегӕты зӕрдӕ загъта Гасситы Сосланӕн профессионалон ӕнтыстытӕ ног бынаты", - загътой министрады.
Гасситы Сослан 20 азӕй фылдӕр куыста алыгъуызон бынӕтты мидхъуыддӕгты органты.
Гасситы Сослан
© Photo : Пресс-служба МВД РЮО