ЦХИНВАЛ, 24 июн - Sputnik. Хуссар Ирыстоны ивгъуыд къуыри регистраци ӕрцыд дыууӕ фыдракӕнды, уыдон раргом кодтой мидхъуыддӕгты органтӕ, хъусын кӕны къуырисӕры республикӕйы Мидхъуыддӕгты министрады (МХМ) пресс-службӕ.
Афтӕ ма дыууӕ адӕймаджы ӕрцахстой ӕхсӕнадон фӕтк фехалыны тыххӕй.
Уымӕй дарддӕр иу къуыримӕ республикӕйы фӕндӕгтыл ӕрцыд дыууӕ фӕндагон-транспортон цауы, уыдонӕй иуы фӕстиуӕгӕн фӕмард иу адӕймаг, ноджы ма иу та райста буары цӕфтӕ.
Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 303 фӕткхалды. Ӕхсӕз шофыры скъӕрдтой хӕдтулгӕ нозтджынӕй.