ЦХИНВАЛ, 25 июн - Sputnik, Томайты Аманда. Хъӕууон хӕдзарад, курортон-хосгӕнӕн медицинӕ, арӕзтад ӕмӕ ноджы бирӕ фарстытыл ӕрдзырдтой бизнес-семинары рӕстӕджы Цхинвалы.
Мадзалы презентацион хайы рӕстӕджы Челябинскы областӕй амалиуӕггӕнджытӕ радзырдтой сӕ архайды къабӕзтыл.
Хуссар Ирыстоны базарадон минӕвар Уӕрӕсейы Таймураз Гогинов радзырдта Sputnik-ӕн, уӕрӕсейаг коллегӕтимӕ ӕмгуыстад фадат кӕй ратдзӕн райтынг кӕнын экономикӕйы иууыл пайдаджындӕр къабӕзтӕ.
"Мӕ хъуыдымӕ гӕсгӕ, хъӕуы рахицӕн кӕнын цыхт аразӕн уагдӕтты райрӕзт Хуссар Ирыстоны. Нӕ цыхтӕн нын стыр аргъ кӕнынц Цӕгат Ирыстон ӕмӕ Уӕрӕсейы. Уый фӕдыл цыхт аразӕн куыстуӕттӕ ахъаз уыдзысты нӕ экономикӕйы райрӕзтӕн. Афтӕ ма гӕнӕн ис рахицӕн кӕнын мини-трактортӕ аразӕн куыстуат. Ахӕм мини-трактортӕ ӕнӕмӕнгхъӕугӕ сты нӕ фермерон хӕдзарадтӕн", - загъта Гогинов.
Ӕмгуыстады ноджы иу здӕхт уыдзӕн рауагъдадон коопераци сӕндидзын кӕнын. Уый тыххӕй фехъусын кодта уӕрӕсейаг амалиуӕггӕнджыты делегацийы разамонӕг Андрей Воробьев.
Хуссар Иры ацыд бизнес-семинар амалиуӕггӕнджытӕн
© Sputnik / Аманда Томаева