ЦХИНВАЛ, 26 июн – Sputnik, Дзӕгъиаты Олег. Хуссар Ирыстоны хицауад ӕртыццӕджы рабадытл бахаста ивындзинӕдтӕ уынаффӕмӕ, уымӕ гӕсгӕ республикӕйы Хъахъхъӕнынады министрады ӕфсӕддонтӕ ӕмӕ граждайнаг персоналы мыздтӕ фӕфылдӕр уыдзысты.
Республикӕйы хъахъхъӕнынады министры хӕстӕ ӕххӕстгӕнӕг Сабанты Инал йӕ доклады бахахх кодта, зӕгъгӕ, уагдоны кусджыты мыздтӕ фӕфылдӕр уыдзысты Хуссар Ирыстон ӕмӕ Уӕрӕсейы ӕхсӕн мыздтӕ ӕмӕ ӕндӕр социалон фиддонты фӕфылдӕры фӕдыл бадзырды фӕлгӕтты.
Хицауады уӕнгтӕ ӕмхъӕлӕсӕй райстой ацы баххӕстгӕнинӕгтӕ уынаффӕмӕ.