ЦХИНВАЛ, 28 июн - Sputnik. Хуссар Ирыстоны æфсæддонтæ сæххæст кодтой марш-бросок хæххон бынæтты штатон хæцæнгарзимæ. Колоннæйы сæргъ цыд хъахъхъæнныдаы министры хæстæ æххæстгæнæг Сабанты Инал. Уый тыххæй майрæмбоны хъусын кæны республикæйы Хъахъхъæнынады министрады пресс-службæ.
Уагдоны банысан кодтой, Сабанты Инал йæ хайадистæй кæй равдыста иудзинады ахсджиагдзинад æфсæддон дæлхайæдты.
Хъахъхъæнынады министр ма снысан кодта къорд мадзалы, кæцытæ здæхт сты æфсады цæттæдзинады æмвæзад фæфылдæр кæнынмæ. Афтæ ма Сабанты Инал бахахх кодта, физикон цæттæдзинад æмæ фæразондзинад æфсæддонтæн кæй сты ахсджиаг фактортæ сæ службæйон хæслæвæрдтæ æххæст кæнынæн.