ЦХИНВАЛ, 4 июл – Sputnik, Томайты Аманда. Цæгатирыстойнаг специалист ауагъта техникон басгæрст микрорайон "Хурзæрин"-ы хидæн. Уый тыххæй Sputnik-æн радзырдта Хуссар Ирыстоны арæзтад, архитектурæ æмæ ЦКХ министрады пресс-службæйы кусæг Хуыгаты Юнона.
"Мах фæхуыдтам эксперты, РЦИ-Аланийы раздзог конструктор Мæхъиты Хъауырбеджы, уый ныридæгæн басгæрста хиды техникон уавæр. Ныртæккæ мах æнхъæлмæ кæсæм барфыстмæ. Йæ фæстиуджытæм гæсгæ, арæзт цæудзысты хъæппæристæ хиды фарст аскъуыддзаг кæныны фæдыл. Дырыс æмгъуыд нын нырма нæй – хид зын инженерон конструкци у, уый фæдыл ацы фарст фæстиад кæны", - загъта пресс-службæйы кусæг.
Хуыгаты Юнона бафтыдта, зæгъгæ, арæзтады министрад æмрæстæджы уадзы баныхас уæрæсейаг коллегæтимæ.