ЦХИНВАЛ, 8 июл - Sputnik. Хуссар Ирыстоны ивгъуыд къуыри регистраци æрцыдысты фондз фыдракæнды, уыдонæй цыппар раргом кодтой мидхъуыддæгты органтæ, хъусын кæны къуырисæры Мидхъуыддæгты министрады (МХМ) пресс-службæ.
Афтæ ма иу къуыримæ республикæйы территорийыл регистраци æрцыдысты дыууæ фæндагон-транспортон цауы. Авариты фæстиуæгæн зианбаййафджытæ нæй, хæдтулгæтæ райстой механикон цæфтæ.
Паддзахадон автоинспекцийы кусджытæ ивгъуыд къуыри сбæрæг кодтой фæндагон змæлды 281 фæткхалды. Аст шофыры фæдыл сарæзтæуыд административон протоколтæ автотранспорт нозтджынæй скъæрыны тыххæй.