ЦХИНВАЛ, 12 июл – Sputnik, Плиты Фатимӕ. Хуссар Ирыстоны Ленингоры районы райдыдта уынгты рухсыты модернизаци. Районы администраци балхӕдта 120 ног светодиодон плафоны.
"Цӕрджытӕ бирӕ рӕстӕджы дӕргъы цыдысты талынг уынгты. Ныр уавӕр ивы", - банысан кодта районы администрацийы пресс-секретарь Кокойты Анжела.
Куыстытӕ райдыдтой Ленингоры поселочы уынгтӕй. Ног рухсгӕнӕн ифтонгад ӕвӕрынц районы Цӕрӕнуатон-коммуналон хӕдзарады (ЦКХ) кусджытӕ администрацийы сӕргълӕууӕг Уалыты Муртазы фӕдзӕхстӕй.
Ленингоры районы администрацийы ЦКХ директор Хацырты Алексей бахахх кодта, ног светодиодон плафонты руаджы фӕкъаддӕр уыдзысты электроэнергийы фӕдыл хӕрдзтӕ.
Хуссар Иры Ленингоры районы модернизаци кӕнынц уынгты рухсытӕ
© Photo : Пресс-служба Ленингорского района