Хуссар Иры президент бабæрæг кодта Хъахъхъæнынады министрады полигон

ЦХИНВАЛ, 18 июл – Sputnik, Томайты Аманда. Гарзджын тыхты Уæлдæр командæгæнæг, Хуссар Ирыстоны президент Гаглойты Алан цыппæрæмы бабæрæг кодта республикæйы Хъахъхъæнынады министрады æрвылбонон практикон æхстытæ.

Хъахъхъæнынады министры хæстæ рæстæгмæ æххæстгæнæг Сабанты Инал радзырдта æфсæддонты техникон цæттæкæнынадыл, хæцæнгарз æмæ хæстæрмæджыты уавæрыл, афтæ ма банысан кодта, ногæрсидтонтæ æнтыстджынæй кæй рацыдысты æвзонг хæстоны курс.

Хуссарирыстойнаг хæстонтимæ ныхасы рæстæджы Гаглойты Алан банысан кодта, райгуырæн бæстæ хъахъхъæныны фæндонæй дарддæр ахсджиаг кæй у рацæуын гъæдджын æфсæддон цæттæкæнынад.

Афтæ ма паддзахады сæргълæууæг йæхæдæг дæр фехста уæззау хæцæнгарзтæй, кæцытæй пайда кæнынц РХИ Гарзджын тыхтæ æфсæддон цæттæкæнынады рæстæджы.