ЦХИНВАЛ, 19 июл – Sputnik, Томайты Аманда. Хуссар Ирыстонæн ис æппæт ресурстæ, цæмæй йæхи тыхтæ райтынг кæна экономикæ. Паддзахадон мыхуыр æмæ информацийы комитеты брифингы рæстæджы РХИ базарадон минæвар Уæрæсейы Таймураз Гогинов куыд банысан кодта, афтæмæй хуссарирыстойнаг амалиуæггæнджытæ хъуамæ баууæндой сæхи тыхтыл æмæ ма æрлæууын кæной куыст.
"Мæн фæнды куыд адæймаг, кæцы тынг уарзы йæ райгуырæн бæстæ, ракурын бизнесментæй баууæндын сæхи тыхтыл. Сæ къухтæ ма ауадзой, дарддæр архайой æмæ сæ цæмæй ныфс уа, сæ куыстæн аргъ кæй уыдзæн", - загъта Гогинов.
РХИ базарадон минæвар ма бафтыдта, зæгъгæ, республикæйы ис бирæ зæххытæ, кæцытæй нæ пайда кæнынц.
Таймураз Гогинов æрсидт зæххы фадгуыты хицæуттæ æмæ арендатортæм, цæмæй райдайон кусын æмæ уымæй баххуыс кæной Хуссар Ирыстоны экономикон райрæзтæн.