ЦХИНВАЛ, 29 июл - Sputnik, Плиты Фатимӕ. Хуссар Ирыстоны Ленингоры районы историко-бӕстӕзонӕн музейы байгом уыдзӕн фоторавдыст "Ленингор советон хицауады период". Экспозицийы бавдисдзысты рагон къамтӕ музейы фондӕй, радзырдта Sputnik-ӕн музейы директор Чертхъоты Зӕлинӕ.
"Нӕ фондты ис уыцы периоды бирӕнымӕц къамтӕ. Рагон къамты руаджы нӕ фӕнды равдисын районы аграрон потенциал", - радзырдта Чертхъоты Зӕлинӕ.
Йӕ ныхӕстӕм гӕсгӕ, музей ацы аз фӕнд кӕны ауадзын бирӕнымӕц мадзӕлттӕ. Сӕ фылдӕр хай райдайдзӕн фӕззӕджы, скъоладзаутӕ сӕрдыгон каникултӕй куы рахизой, уӕд. Фӕстаг азты дӕргъы фылдӕр адӕмы райдыдта цымыдис кӕнын музей, ӕрвылбон дзы уагъд ӕрцӕуынц цалдӕр экскурсийы.
Хуссар Ирыстоны историко-бӕстӕзонӕн музей арӕзт ӕрцыд XVI-XVII ӕнусты.