ЦХИНВАЛ, 29 июл - Sputnik. Хуссар Ирыстоны президент Гаглойты Алан снысан кодта Хуссар Ирыстоны Уæлвæткон уавæрты министрады (УУМ) сæргълæууæджы хæдивæгæй Тедеты Гермагены, æмбæлон барамынд мыхуыр æрцыд паддзахады сæргълæууæджы сайтыл.
Цыбыр биографи
Тедеты Гермаген райгуырд 1967 азы 26 январы.
1985 азы каст фæцис дыккæгæм астæуккаг скъола. 1985-1987 азты службæ кодта советон æфсæдты къорды Афганистаны.
ХИПУ-йы историон факультеты ахуыры фæстæ 2010 азы онг куыста РХИ Сæйраг таможнæйон фæткдаруаты.
2011-2012 азты уыд Паддзахадон унитарон куыстуат "РХИ авто-транспорты фæткдаруат"-ы директорæй.
2014-2019 азты куыста алыгъуызон бынæтты Мидхъуыддæгты министрады.
Хорзæхджын æрцыд Орден "Уацамонгæ"-йæ.
Ис ын бинонтæ, хъомыл кæны дыууæ сывæллоны.
Тедеты Гермаген
© Пресс-служба президента РЮО