ЦХИНВАЛ, 30 июл - Sputnik. Хуссар Ирыстоны арӕзтады министрад ныммыхуыр кодта йӕ сайтыл Цхинвалы дыккӕгӕм астӕуккаг скъолайы ног корпусы эскизтӕ.
Уагдоны куыд банысан кодтой, афтӕмӕй объектыл арӕзт цӕуынц ныккӕнды монолитон къултӕ, дыууӕ къуырийы фӕстӕ та кусджытӕ райдайдзысты аразын фыццаг уӕладзыджы ӕфсӕйнаг-бетонон конструкци.
"Ногарӕзт скъола рӕсугъд фасадимӕ сфӕлынддзӕн Цхинвалы центр", - банысан кодтой министрады.
Цхинвалы дыккӕгӕм скъолайы ног корпусы арӕзтад райдыдта ацы аз июлы. Скъолайы бӕстыхайы цалцӕг уагъд цӕуы 2023-2025 азты Инвестпрограммӕйы фӕлгӕтты, объекты иумӕйаг аргъ у 367,5 милуан сомы.