ЦХИНВАЛ, 30 июл - Sputnik. Цӕгат Ирыстоны Тӕбӕхсауты Балойы номыл паддзахадон академион театрӕн балхӕдтой нырыккон ифтонггарз 30 милуан сомы бӕрц националон проект "Культурӕ"-йы руаджы. Уый тыххӕй йӕ telegram-каналы фехъусын кодта Цӕгат Ирыстоны сӕргълӕууӕг Сергей Меняйло.
"Фӕнды мӕ банысан кӕнын, фӕстаг цалдӕр азы дӕргъы республикӕйы цӕрджыты фылдӕр кӕй райдыдта цымыдис кӕнын театр: ног спектакльтӕ, хуыздӕр коллективты гастрольтӕ, театралон фестиваль – Цӕгат Ирыстон цадӕггай ссис Цӕгат Кавказы культурон столицӕ", - бахахх кодта республикӕйы сӕргълӕууӕг.
Меняйло бафтыдта, зӕгъгӕ, уагъд цӕуы ӕдзух куыст, цӕмӕй Цӕгат Ирыстоны культурӕйы уагдӕттӕ уой нырыккон ӕмӕ хӕрзарӕзт.