ЦХИНВАЛ, 30 июл – Sputnik. Йӕ цардӕй ахицӕн Уӕрӕсе ӕмӕ Цӕгат Ирыстоны адӕмон артист Гӕздӕнты Булат.
Композитор, дирижер, гармонист ӕмӕ педагог уыд адӕмон инструментты Националон паддзахадон оркестры сӕргълӕууӕг 60 азы дӕргъы. Йӕ архайды руаджы бантыст бавӕрын ирон композиторты уникалон уацмыстӕ, афтӕ ма ӕрӕмбырд кӕнын ирон фольклор.
Куыд педагог, афтӕ Гӕздӕнты Булат схъомыл кодта курдиатджын музыкантты цалдӕр фӕлтӕры, уымӕй дарддӕр ма ныффыста пьесӕты ӕмбырдгондтӕ ирон гармоникӕйӕн.
2022 азы фидаргонд ӕрцыд Гӕздӕнты Булаты номыл Паддзахадон преми, кӕцы раттынц дыууӕ аз иу хатт националон музыкӕйы жанры уацмыстӕ саразыны тыххӕй.