ЦХИНВАЛ, 31 июл - Sputnik. Уæрæсейы æнæстратегион ядерон тыхтæ рахызтысты ахуырты æртыккаг этапмæ, фехъусын кодта Уæрæсейы Федерацийы Хъахъхъæнынады министрад.
"Уæрæсейы Федерацийы президенты скъуыддзагмæ гæсгæ райдыдта æнæстратегион ядерон тыхты æртыккаг этап. Ахуырты рæстæджы бакусдзысты Уæрæсейы Гарзджын тыхты дæлхайæдты æнæстратегион ядерон хæцæнгарзæй пайда кæнынмæ бацæттæ кæныны фарстытыл", - дзырдæуы хъусинаджы.
Уый размæ æнæстратегион ядерон тыхты ахуырты фыццаг æмæ дыккаг этапты фæлгæтты бацæттæ кодтой Хуссар æмæ Ленинграды æфсæддон зылдты дæлхайæдты, афтæ ма æфсæддон-космикон æмæ æфсæддон-денджызон дæлхайæдты æнæстартегион ядерон хæцæнгарзæй пайда кæнынмæ, банысан кодтой министрады.