ЦХИНВАЛ, 2 авг – Sputnik. Цхинвалы бирӕпрофилон колледж фӕнд кӕны бакӕнын изӕры хайад, цӕмӕй кусаг адӕмӕн фадат уа райсын астӕуккаг профессионалон ахуырад, радзырдта Sputnik-ӕн колледжы директор Джиоты Агуындӕ.
"Хистӕр кары адӕмӕй бирӕты цымыдис кӕны колледжы ахуыр кӕнын, фӕлӕ кусгӕ кӕй кӕнынц, уый фӕдыл сын зын у райсын дӕсниад. Ацы фарст скъуыддзаг цӕуы ахуырады министрадимӕ. Гӕнӕн ис бакӕнӕм изӕры хайад", - загъта Джиоты Агуындӕ.
Йӕ ныхӕстӕм гӕсгӕ, ахуыргӕнджытӕй дӕр бирӕты фӕнды райсын уӕлӕмхас ахуырад.