ЦХИНВАЛ, 5 авг – Sputnik. Хуссар Ирыстоны Мидхъуыддæгты министрад (МХМ) бадæтдзæн прокуратурæмæ милицийы кусæджы ныццæвыны фæдыл хъуыддаджы æрмæджытæ, хъусын кæны МХМ пресс-службæ.
Цау æрцыд хуыцаубоны Паддзахадон автоинспекцийы стационарон постыл Знауыры районы Аунеуы хъæуы.
"ПАИ инспектор æрурæдта "Nissan X-Trail" хæдтулгæ, кæцыйыл скъæрдта Цхинвалы 34-аздзыд цæрæг. Документтæ сгарыны рæстæджы хæдтулгæйы пассажир, Цхинвалы 21-аздзыд цæрæг равдыста агресси æмæ ныццавта инспекторы", - банысан кодтой уагдоны.
Медицинон басгæрст сбæрæг кодта, пассажир кæй уыд нозтджын.