ЦХИНВАЛ, 7 авг – Sputnik. МХМ кусджытæ 7-æй 9-æм августмæ рахиздзысты службæйы фæтыхджындæргонд режиммæ, цæмæй æххæст кæной æдасдзинад 2008 азы хæсты афæдзы бонæн нывонд мадзæлтты рæстæджы.
Нывæстмæ гæсгæ номарæн мадзæлттæ уадзыны бынæттæ басгæрстой республикæйы тыхон структурæты сапертæ æмæ кинологтæ.
Æвдæм августы барадхъахъхъæнджытæ хъахъхъæндзысты æхсæнадон фæтк фоторавдысты рæстæджы мемориалон комплексы "Хуссар Ирыстоны хъахъхъæнджытæн".
Августы хæсты номарæн мадзæлттæ Цхинвалы
© Sputnik
Уыцы бон 16.30 сахатыл Паддзахадон автоинспекцийы кусджытæ сæвæрдзысты пост "Ирыстон" уазæгдонмæ бацæуæны, уымæн æмæ Паддзахадон драмон театры æвдисдзысты спектакль "Фæстаг Ææвдисæн" 1920 азы ирæтты геноциды тыххæй.
Изæры 20.00 сахатæй сæхгæндзысты Сталины-Хетæгкаты, Тугъанты-Хетæгкаты, Тугъанты-Кимы æмæ Тугъанты-Дзауы уынгты алвæндæгтæ фыдохы церемонийы тыххæй мемориалон комплексы "Хуссар Ирыстоны хъахъхъæнджытæн".
Æстæм августы райсом фараст сахатæй милицийы кусджытæ æххæст кæндзысты æдасдзинад дидинтæ сæвæрыны рæстæджы зынгхуыст хъайтарты цыртдзæвæнтæм.