ЦХИНВАЛ, 7 авг - Sputnik. Цӕгат Ирыстоны националон проект "Туризм и индустрия гостеприимства"-йы руаджы фӕзынд ног модулон уазӕгдон Уӕллаг Фыййагдоны хъӕуы, фехъусын кодта республикӕйы сӕргълӕууӕг Сергей Меняйло.
"РЦИ-Аланийы туризмы комитет 2022 азы бафыста бадзырд модулон уазӕгдӕттӕ самайыны фӕдыл. Инвестор райста субсиди 16 милуан сомы бӕрц проекты реализацийӕн. Ныр аив бынаты ӕвӕрд сты дӕс номыры алыгъуызон категоритӕн", - радзырдта республикӕйы сӕргълӕууӕг.
Меняйло бафтыдта, зӕгъгӕ, аразгӕ объекттӕ сты модулон – куы бахъӕуа, уӕд сӕ гӕнӕн ис райхалын ӕмӕ зиан нӕ хӕсдзысты ӕрдзӕн.