ЦХИНВАЛ, 8 авг – Sputnik, Дзӕгъиаты Олег. Хуссар Ирыстоны Дзауы районы ацыд Уӕрӕсейы хъайтар, авиацийы майор Владимир Едаменкойы цырты баконды официалон церемони. Уӕрӕсейаг тӕхӕг фӕмард Хуссар Ирыстоны августы хӕсты рӕстӕджы.
Мадзалы хайад райстой Хуссар Ирыстоны президент Гаглойты Алан, Уӕрӕсейы минӕвар РХИ Марат Кулахметов, хицауады уӕнгтӕ, парламенты депутаттӕ, тыхон структурӕты разамонджытӕ, афтӕ ма ӕхсӕнады минӕвӕрттӕ.
Уӕрӕсе ӕмӕ Хуссар Ирыстоны гимнты фӕстӕ Гаглойты Алан ӕмӕ Марат Кулахметов ӕруагътой кӕттаг ӕмӕ официалон ӕгъдауӕй бакодтой Хъайтары цырт.
Хуссар Ирыстоны президент банысан кодта, зынгхуыст хъайтарты рухс ном ссарын кӕй у Хуссар Ирыстоны адӕмы хӕс.
"Нӕ хӕс у алыхатт дӕр хъуыды кӕнын Фыдыбӕстӕйы хъахъхъӕнджыты сгуыхтдзинӕдтӕ. Уыдон хъӕбатырдзинад уыдзӕн дӕнцӕг Хуссар Ирыстоны адӕмы фидӕны фӕлтӕртӕн", - бахахх кодта Гаглойты Алан.
Уӕрӕсейы минӕвар республикӕйы радзырдта, хъайтар кӕй фӕмард Хуссар Ирыстоны зӕхх ӕмӕ ацы паддзахады сомбоны сӕраппонд.
Гаглойты Алан ӕмӕ Марат Кулахметов бузныг загътой Владимир Едаменкойы цырт саразыны хайад чи райста, уыдонӕн.
Хуссар Иры бакодтой 2008 азы фӕмардуӕвӕг тӕхӕг Владимир Едаменкойы цырт
© Sputnik / Мария Санакоева