ЦХИНВАЛ, 8 авг – Sputnik, Дзæгъиаты Олег. Хуссар Ирыстон дарддæр цæуынц 2008 азы гуырдзиаг агрессийы 16-æм афæдзы бонæн нывонд номарæн мадзæлттæ. Традицион номарæн акци ацыд Зары фæндагмæ бацæуæны "Сыгъд удты музейы".
Хуссар Ирыстоны сæдæгай адæм, республикæйы къухдариуæгад президент Гаглойты Аланы сæргълæудæй, Уæрæсейы минæвар РХИ Марат Кулахметов, республикæйы экс-президент Тыбылты Леонид, министрæдтæ æмæ уагдæтты разамонджытæ хайад райстой фыдохы церемонийы æмæ дидинтæ æмæ веноктæ сæвæрдтой фæмардуæвджыты монументмæ.
"Сыгъд удты музей" ис Хуссар Ирыстоны Цхинвалы районы Тъбеты хъæуы – Зары фæндагмæ æрбацæуæны. Уый арæзт у 12 сыгъд хæдтулгæйæ. Уыцы хæдтулгæтыл сабыр цæрджытæ лыгъдысты судзгæ Цхинвалæй, фæлæ фæндагыл бахаудтой гуырдзиаг агрессорты æхстыты бын æмæ фæмард сты.