ЦХИНВАЛ, 8 авг – Sputnik, Дзæгъиаты Олег. Хуссар Ирыстоны ссардтой 2008 азы августы хæсты рæстæджы фæмардуæвæг уæрæсейаг фидауынгæнджыты рухс нæмттæ.
Дидинтæ сæвæрыны церемонийы хайад райста Хуссар Ирыстоны къухдариуæгад президент Гаглойты Аланы сæргълæудæй, Уæрæсейы минæвар Хуссар Ирыстоны Марат Кулахметов, хицауады уæнгтæ, парламенты депутаттæ, тыхон структурæты разамонджытæ, афтæ ма æхсæнады минæвæрттæ.
Ацы ран ма, фидауынгæнджыты раздæры бæстыхайы территорийыл, мадзалы хайадисджытæ дидинтæ сæвæрдтой лейтенант Галуанты Олегы цыртмæ, уый 2008 азы августы корректировкæ кодта РХИ Хъахъхъæнынады министрады артиллерийы.
Гуырдзыстон 8 августы æхсæв æрбабырста Хуссар Ирыстонмæ. Гуырдзиаг æфсæдты цæф фыццаджыты æхсæн райстой уæрæсейаг фидауынгæнджытæ. Уæрæсейаг батальон дыууæ суткæйы дæргъы хъахъхъæдта Цхинвалмæ бахизæн.
Хуссар Иры ссардтой 2008 азы фæмардуæвæг уæрæсейаг фидауынгæнджыты рухс нæмттæ
© Sputnik / Мария Санакоева