ЦХИНВАЛ, 8 авг - Sputnik. Уӕрӕсейы Ӕдасдзинады советы сӕргълӕууӕджы хӕдивӕг Дмитрий Медведев абарста сӕрмагонд ӕфсӕддон операци Украинӕйы ӕмӕ 2008 азы хӕст, афтӕ ма бафтыдта, ныры ӕфсӕддон кампани дӕр кӕй фӕуыдзӕн Уӕрӕсейы уӕлахизӕй. Уый тыххӕй Медведев ныффыста социалон хызӕг X-ы, хъусын кӕны РИА Новости.
"2008 азы мах бахъхъхъӕдтам нӕ адӕмы Михаил Саакашвилийы ӕрбабырсты фӕстӕ. Ныры ӕфсӕддон кампани дӕр фӕуыдзӕн Уӕрӕсейы уӕлахизӕй", - хъусын кӕны агентад Медведевы ныхӕстӕ.
Гуырдзыстойнаг ӕфсад райдыдта ӕххӕстмасштабон ӕрбабырст 2008 азы 8 августы æмбисæхсæвмæ æввахс. Цхинвалы æмæ горæты алыварс хъӕуты Гуырдзыстоны ӕфсад фӕкодта карз ӕхсты бын. Уый фæстæ Цхинвалмæ бабырстой танктæ æмæ гуырдзиаг тыхон структурæты равзаргæ хæйттæ. Республикӕйы столицӕйӕн ӕрхастӕуыд стыр зиан, фылдӕр кодта сабыр цӕрджыты ӕмӕ фидауынгӕнӕг тыхты ӕхсӕн амӕттӕгты нымӕц. Ацы трагикон уавӕры уӕрӕсейаг къухдариуӕгад аскъуыддзаг кодта тугкалд ӕрлӕууын кӕнын ӕмӕ Гуырдзыстоны тыхӕй сабырадмӕ ӕркӕныны операци райдайын. Уый кӕронмӕ бахӕццӕ 12 августы.