ЦХИНВАЛ, 16 авг - Sputnik. Цæгат Ирыстон бахызт националон проекттæ æмæ паддзахадон программæты реализацийы фæдыл иууыл хуыздæр бæрæггæнтимæ Уæрæсейы æхсæз регионы номхыгъдмæ. Уый тыххæй радзырдта Уæрæсейы Федерацийы хицауады сæрдары хæдивæг Марат Хуснуллин регионалон райрæзты фæдыл хицауады къамисы президиумы рабадтыл, фехъусын кодтой РЦИ-Аланийы сæргълæууæг æмæ хицауады пресс-службæйы.
"Æхсæз регионы æвдисынц куысты иууыл хуыздæр фæстиуджытæ – Цæцæны Республикæ, Пенза æмæ Нижегородон областтæ, Республикæ Адыгей, Татарстан æмæ Цæгат Ирыстон-Алани", - банысан кодта Хуснуллин.
Пресс-службæйы банысан кодтой, Цæгат Ирыстоны кассон æххæсткæнынад паддзахадон программæты фæдыл кæй у 60,1% (29,1 миллиард сомы), националон проектты фæдыл та – 55,15% (4,99 миллиард сомы).