ЦХИНВАЛ, 20 авг – Sputnik. Хуссар Ирыстоны Хъахъхъæнынады министрады æнтыстджынæй фæцис æфсæддон цæттæкæнынады курс курсанттæн, кæцытæ ацы аз бацыдысты Уæрæсейы Хъхъхъæнынады министрады æфсæддон ахуыргæнæндæттæм.
Дыууæкъуырион программæйы фæлгæтты æвзонг курсанттæ рацыдысты рæнхъон, физикон, æфсæддон-медицинон, æхсыны æмæ инженерон цæттæкæнынад. Афтæ ма уыдон ахуыр кодтой æфсæддон топографи æмæ устав дæр.
Цæттæкæнынад рацæуыны фæстæ курсанттæ æфсæддон ард бахæрдзысты æмæ ацæудзысты уæрæсейаг æфсæддон ахуыргæнæндæттæм.