ЦХИНВАЛ, 21 авг – Sputnik, Дзӕгъиаты Олег. Хуссар Ирыстоны хицауад сфидар кодта республикӕйы культурӕйы министрады ног структурӕ. Скъуыддзаг рахастӕуыд хицауады рабадтыл ӕртыццӕджы.
Культурӕйы министрады арӕзт ӕрцӕудзысты дыууӕ ног хайады.
Республикӕйы культурӕйы министр Зӕгъойты Рада банысан кодта, уагдоны структурӕмӕ ивындзинӕдтӕ бахӕссын у ӕнӕмӕнгхъӕугӕ куыст фӕхуыздӕр кӕнынӕн.
Хицауады уӕнгтӕ ӕмхъӕлӕсӕй сразы сты культурӕйы министрады ног структурӕ сфидар кӕныныл.