ЦХИНВАЛ, 22 авг – Sputnik. Хуссар Ирыстоны Мидхъуыддӕгты министрады (МХМ) басгӕрсттӕ уадзы Федералон хӕзнадар, цӕмӕй сӕ цӕст ӕрдарой Уӕрӕсейы федералон бюджеты фӕрӕзты хардзкӕнынадмӕ, хъусын кӕны министрады пресс-службӕ.
Нывӕстон мадзӕлтты рӕстӕджы басгӕрстой транспортон фӕрӕзтӕ, хӕцӕнгарз, сӕрмагонд ифтонггарз ӕмӕ ӕндӕр мулкъ, кӕцы ӕлхӕд ӕрцыд Хуссар Ирыстон ӕмӕ Уӕрӕсейы Мидхъуыддӕгты министрӕдты ӕхсӕн бадзырды фӕлгӕтты.
Пресс-службӕйы банысан кодтой, ахӕм басгӕрсттӕ ӕдзух кӕй уадзынц, цӕмӕй цӕстдард ӕххӕст цӕуа финансон ӕххуысы хардзкӕнынадмӕ.
Хуссар Иры МХМ уагъд цӕуынц УФ федералон бюджеты фӕрӕзты хардзкӕнынады басгӕрсттӕ
© Photo : Пресс-служба МВД РЮО