ЦХИНВАЛ, 22 авг – Sputnik. Хуссар Ирыстоны банысан кодтой Уӕрӕсейы паддзахадон тырысайы бон. Сывӕллӕтты сфӕлдыстады Галуаны фӕзуатыл ацыд бӕрӕгбонон мадзал сывӕллӕттӕ ӕмӕ ӕрыгӕттӕн. Мадзал сорганизаци кодта уӕрӕсейаг ӕмбӕстӕгты Цӕдис Россотрудничество ӕмӕ Хуссар Ирыстоны ахуырады министрады ӕмархайдӕй.
Цхинвалы банысан кодтой Уӕрӕсейы тырысайы Бон
© Аманда Томаева
Россотрудничествойы минӕварады сӕргълӕууӕг Хуссар Ирыстоны Сергей комиссаров раарфӕ кодта ӕрӕмбырдуӕвджытӕн ӕмӕ банысан кодта, ацы бӕрӕгбон ахсджиаг кӕй у уӕрӕсейӕгтӕн, уымӕн ӕмӕ тырыса у бӕстӕйы сӕйраг символ.
Мадзалы фӕлгӕтты ма ацыд концертон программӕ дӕр, цы ран хайад райста Абхазы сгуыхт артисткӕ Харебаты Майя, гимнази "альбион", аивӕдты лицей ӕмӕ Тедеты Георгийы номыл музыкалон скъолайы хъомылгӕнингтӕ.
Сывӕллӕттӕ ма хайад райстой дыууӕ кафӕн флешмобы, акци "Рисунок на асфальте" ӕмӕ ӕндӕр цымыдисон мадзӕлтты.
Бӕрӕгбоны кӕрон сывӕллӕттӕн радтой салдӕгтӕ.
Цхинвалы банысан кодтой Уӕрӕсейы тырысайы Бон
© Аманда Томаева