ЦХИНВАЛ, 22 авг - Sputnik. Уæрæсейы Федералон æдасдзинады службæйы (ФÆС) кусджытæ сбæрæг æмæ аиуварс кодтой украинæйаг сæрмагонд службæты æртæ агенты архайд Хъырымы, фехъусын кодтой цыппæрæмы ФÆС æхсæнадон бастдзинæдты центры.
Оперативон кусджытæ Севастополы æрцахстой 1965 азы гуырд Уæрæсейы æмбæстаджы, кæцы куыста Украинæйы сæрмагонд службæтыл, уый размæ та рацыд цæттæкæнынады курс Киевы. Фæдысгæрсты рæстæджы сбæрæг кодтой, нæлгоймаг кæй сцæттæ кодта рæмудзæн æрмæг, кæцыйæ спайда кодтой ацы аз июлы газы хæтæлыл Хъырымы.
Уымæй дарддæр ФÆС кусджытæ æрцахстой Севастополы 1973 азы гуырд Уæрæсейы æмбæстаджы. Уый радæтта Украинæйы сæрмагонд службæтæн информаци æфсæддон объектты дислокацийы тыххæй.
Афтæ ма Керчы та æрцахстой 1992 азы гуырд Молдавийы æмбæстаджы. 2024 азы апрелы йемæ контакты бахызтысты Украинæйы сæрмагонд службæты минæвæрттæ. Сæ хæслæвæрдмæ гæсгæ, уый æмбырд кодта кодта фото æмæ видеоæрмæджытæ, афтæ ма æфсæддон техникæ æмæ уæлдæфон хъахъхъæнынады дислокацийы бынæтты тыххæй информаци.