ЦХИНВАЛ, 23 авг - Sputnik. Хуссар Ирыстоны ацыдысты республикӕйы хӕдбардзинад банымайыны Бонӕн нывонд тыхон структурӕты иумӕйаг ахуыртӕ, фехъусын кодта РХИ Мидхъуыддӕгты министрады (МХМ) пресс-службӕ.
Хуссар Иры тыхон структурӕтӕ ауагътой иумӕйаг ахуыртӕ
© Photo : Пресс-служба МВД РЮО
Ахуырты хайад райстой Паддзахадон хъахъхъӕнынады службӕйы сӕрмагонд къорд, Хъахъхъӕнынады министрады сӕрмагонд нысаниуӕджы батальоны хӕстонтӕ, Милицийы сӕрмагонд нысаниуӕджы къорд ӕмӕ Милицийы тагъд архайды къорды дӕлхайӕдтӕ, афтӕ ма Паддзахадон ӕдасдзинады комитеты сӕрмагонд нысаниуӕджы къорд. Ахуыртӕм йӕ цӕст дардта республикӕйы къухдариуӕгад президент Гаглойты Аланы сӕргълӕудӕй, афтӕ ма тыхон структурӕты разамонджытӕ ӕмӕ минӕвӕрттӕ.
Сӕрмагонд нысаниуӕджы къордты хӕстонтӕ райстой хӕслӕвӕрд – ссарын ӕмӕ скуынӕг кӕнын дзырдӕй ныхмӕлӕууӕджы диверсион-разысгарӕн къордтӕ, кӕцытӕ ӕрбабырстой паддзахадон арӕны сӕрты ӕмӕ бамбӕхстысты хъӕды.
Уагдоны бафтыдтой, зӕгъгӕ, ахуырты хайадисджытӕ ма сӕххӕст кодтой 14 километры дӕргъӕн марш-бросок хӕстон экипировкӕйы. Ӕфсӕддонтӕ равдыстой хорз цӕттӕдзинад ӕмӕ ӕнтыстджынӕй сӕххӕст кодтой ӕппӕт хӕслӕвӕрдтӕ.
Хуссар Иры тыхон структурӕтӕ ауагътой иумӕйаг ахуыртӕ
© Photo : Пресс-служба МВД РЮО