ЦХИНВАЛ, 27 авг - Sputnik. Уӕрӕсейаг ӕфсӕдтӕ ссӕрибар кодтой цӕрӕн пункт Орловка Донецкы Адӕмон Республикӕйы (ДАР), хъусын кӕны дыццӕджы Уӕрӕсейы Хъахъхъӕнынады министрад.
Уагдоны бӕрӕггӕнӕнтӕм гӕсгӕ, Уӕрӕсейы Гарзджын тыхтӕ иттӕг дырыс хӕцӕнгарзӕй егъау цӕф фӕкодтой украинӕйаг аэродромтӕ.
"Знон ӕхсӕвы Уӕрӕсейы Федерацийы Гарзджын тыхтӕ иттӕг дырыс хӕцӕнгарзӕй егъау цӕф фӕкодтой Украинӕйы аэродромон инфраструктурӕйы объекттӕ", - банысан кодтой министрады.
Æдæппæт сæрмагонд æфсæддон операцийы райдайæнæй уӕрӕсейаг ӕфсӕдтӕ скуынæг кодтой: 640 хæдтæхæджы, 283 вертолеты, 30 564 æнæпилотон тæхæг аппараты, 575 зенитон-ракетон комплексы, 17 586 танчы æмæ æндæр хæстон хæдтулгæйы, залпон æхсты реактивон системæты 1425 хæстон хæдтулгæйы, быдырон артиллери æмæ минометты 13 690 сармадзаны, сӕрмагонд ӕфсӕддон автомобилон техникӕйы 25 262 иуӕджы.