ЦХИНВАЛ, 27 авг - Sputnik. Цхинвалы территори, сӕйраджыдӕр, горӕты центр, хъуамӕ ӕрвыл суткӕйы дӕргъы уа милицийы кусджыты цӕстдарды бын, радзырдта Хуссар Ирыстоны мидхъуыддӕгты министр Гуыцмӕзты Алан оперативон рабадтыл. Уый тыххӕй хъусын кӕны уагдоны пресс-службӕ.
"Горӕты территори, сӕйраджыдӕр, Театралон фӕзуат, хъуамӕ ӕрвыл суткӕйы дӕргъы уа милицийы кусджыты цӕстдарды бын. Цыфӕнды фӕткхӕлдтӕ дӕр хъуамӕ иуварс цӕуой, Цӕвиттон, бирӕ тротуартыл мӕйгӕйтты лӕууынц транспортон фӕрӕзтӕ ӕмӕ хъыгдарынц фистӕг бӕлццӕтты", - загъта министр.
Гуыцмӕзты Алан бахӕс кодта Паддзахадон автоинспекцийы хистӕрӕн лӕмбынӕгӕй сахуыр кӕнын йӕ фӕткдаруаты проблемӕтӕ ӕмӕ ссарын ӕппӕрццаг фактортӕ.
Рабадты кӕрон Гуыцмӕзты Алан радта хӕслӕвӕрдтӕ уагдоны ӕндӕр кусджытӕн дӕр, цӕмӕй фӕхуыздӕр уа куысты гъӕд.